12/01/18

Melgaço, Portugal



Tomando como probábel a tradición, o castelo de Melgaço foi construído no reinado de D. Afonso Henriques, ao redor de 1170. Foi de feito este monarca quen concedeu a Melgaço a súa primeira carta de foro, entre 1183 e 1185, carta esa que foi confirmada por D. Afonso II en 1219, para ser substituída, no reinado de D. Afonso III, en 1258, por nova Carta de Foral.

A concesión dunha carta de foro pressupõe a existencia dun burgo, mesmo que fose de creación recente.

O outeiro de Melgaço, sobranceiro sobre o Río Miño, estratexicamente colocado en relación á pasaxe para a Galiza, instaláronse colonos e desenvolvéronse trocos comerciais. 


A poboación estaba baixo a protección de dous grandes mosteiros: Fiães e Paderne. 

O aínda incipiente burgo, moito á mercé das arremetidas das tropas leonesas, necesitaba unha protección máis eficaz que aquela que lle era facultada pola pequena fortaleza que o primeiro rei mandou construír no cume máis setentrional da penedia, sitio onde máis tarde sería erguida a torre de homenaxe.

Foi no reinado de D. Sancho II que a vila comezou a ser rodeada dunha cerca defensiva.

Nesa altura, entre 1211-1212, o norte de Portugal foi invadido polas hostes leonesas e Melgaço foi mesmo tomada, feito que apresurou a construción da muralla. As medidas foron tomadas, pois en 1245 xa estaba en construción co apoio do rei e a colaboración local, sobre todo o convento de Fiães.


Se queres ver as fotos pincha aquí. 

Se queres ver o vídeo pincha.

06/01/18

Castro de Baroña



O Castro de Baroña está situado nunha pequena península rochosa, separada da terra por un istmo de area. Foi ocupado entre os séculos I a. C. a I d. C.

No istmo que separa o castro da terra, atópase a primeira medida defensiva, un foxo de 4 metros de ancho e 3 de fondo. A continuación, unha segunda muralla formada por 2 muros paralelos de pedra e area. Deste xeito, antes de chegar á muralla principal que rodeaba o castro, temos as dúas primeiras murallas paralelas que servían de primeira defensa.

Un triplo conxunto de muros paralelos e escalonados que terminan na porta de entrada, flanqueada por unha torre, constituen as murallas máis próximas á zona residencial. A zona sur, debido á proximidade das rochas o muro sinxelo.

As escaleiras de entrada, ben conservadas, lévanos a un poboado dividido en dúas. Nun nivel inferior, a zona sur, coas primeiras construcións e os restos da torre que flanquea a porta.


Na zona norte, separada da anterior por unha muralla, á que chegamos a través doutra porta con escaleiras tamén moi ben conservadas, con construcións de maior tamaño.

Na totalidade do conxunto consérvanse aproximadamente unhas 20 vivendas de planta circular ou oval, sen portas nin fiestras e con banco corrido en todo o perímetro.

É un castro marítimo, primeiro pola súa situación xeográfica, a carón do mar, tamén polo medio de vida dos seus habitantes. Como o indican os restos dun "concheiro", chamado así pola cantidade de conchas de moluscos e mariscos amontoadas. Os habitantes do Castro de Baroña recollían marisco na praia e os acantilados e practicaban a pesca. Entre os restos dos concheiros atopáronse anzois e demais utensilios necesarios para a actividade pesquera tamén espinas e vertebras de peixes.

O poboado castrense podería ser case autosuficiente, a falta de auga, que traerían do exterior.

Outras actividades que se desenvolveron neste Castro son a minería e a metalurgia. Na zona norte hai un forno no que se traballou, como na maioría dos castros, o bronce e outros metais como ouro e ferro.


Se queres ver as fotos pincha aquí. 

Se queres ver o vídeo pincha aquí.





28/12/17

San Juan de Duero, Soria



O mosteiro de San Juan de Duero, Soria, é de es
tilo Románico, a súa construción data dos Séculos XII-XIII.

Pertencía á orde de San Juan de Jerusalén, atópase no camiño ao lugar onde discorre a lenda de Gustavo Adolfo Bécquer, O Monte das Ánimas. 

O que máis destaca é o claustro, que conserva as catro coxías, cunha colección de estilos na sua execución, moi sorprendente. 

Ao noroeste atópase os arcos de medio punto, típicamente románicos, que descansan sobre parellas de columnas.

Arcos de ferradura apuntados no tramo noreste. Nos tramos suroeste e sureste os arcos atópanse entrecruzados, a unión de ambos tramos únese con un arco dobre, tamén entrecruzado e sen columna.

 A igrexa é sinxela, dunha soa nave e ábside semicircular, a nave péchase con bóveda de canón apuntado. 

Destacan, no seu interior, os dous templetes encostados ao muro, no comezo da cabeceira. 

Se queres ver as fotos pincha aquí 

Se queres ver o vídeo pincha aquí.

22/12/17

Catedral de Toledo



A Catedral de Toledo é un edificio do periodo gótico clásico, iniciado en 1226. Derivada da arquitectura do norte de Francia do século XIII.

Toledo foi capital do reino visigodo e tiña neste lugar o seu  templo visigodo que foi destruído para construír unha mezquita, trala entrada musulmá.
 A superficie de dita mezquita tería a anchura das cinco naves actuais. Case  non quedan restos.

O rei de León e Castilla Alfonso VI toma Toledo en 1085 prometendo tolerancia ás xentes e crenzas dos conquistados, respectando inicialmente esta Mezquita Maior.
Á ausencia do monarca o bispo Bernard de Siderac e a dona do rei, dous anos despois, tomaron pola forza está meaquita para consagrada. A partir de 1087 a mezquita maior de Toledo converteuse na nova catedral de Santa María. En 1226  destruíron a Mezquita e comezaron as obras da actual catedral. 

Destacan as vidreiras, as cinco naves, tres portas monumentais e numerosos detalles de estilo Frances.

Se queres ver as fotos pincha aquí 

SE queres ver o vídeo pincha aquí 

11/12/17

Val da Barranca, Guadarrama


O val da Barranca pertence á provincia de Madrid, val situado por embaixo do macizo da Morcuera.

Iste val de montaña situado nas ladeiras da Bóla do Mundo (Alto de Guarramillas), de 2.265 m; e de A Maliciosa (2.227 m), na Serra do Guadarrama, pertencente ao Sistema Central. 

Administrativamente pertence aos concellos de Navacerrada e Becerril da Sierra, no noroeste da Comunidade de Madrid. 

Está cuberto dun espeso bosque de piñeiro rubio ou silvestre. Por iste val transcorre o río de montaña, Navacerrada, afluente do río Manzanares, remansado en dúas pequenas presas, e que desemboca no Embalse de Navacerrada, que se pode ver ao fondo.

Contén unha serie de miradores desde os cales se pode divisar unha panorámica de boa parte da provincia de  Madrid, incluíndo a cidade e as torres máis altas.


Se queres ver o vídeo pincha aquí. 


04/12/17

Santa Comba de Bande


Esta capela é o único exemplo case enteiro da arte prerrománica en Galiza. Xa que logo falamos dunha orixe que se remonta aos os séculos VII ou VIII (680), en épocas de domino visigodo.

É moi probable que a igrexa formase parte dun antigo mosteiro. A súa planta orixinal era de cruz grega con cámaras laterales na cabeceira. No exterior falta hoxe a cámara lateral do transepto sur. As remodelacións do norte modificaron o xogo de volumes primitivo, a isto tamén contribúe o engadido da espadana.


Con todo o máis destacado é o seu interior onde existen catro arcos de ferradura con dovelas desiguais que sosteñen un cimborrio cuberto con bóveda de arista feita de ladrillos. 
Posible orixe do ano 872. 

A decoración escultórica podería proceder dunha reconstrución no século XI. A decoración pode observarse no arco triunfal que separa a capela principal do crucero. O arco é de ferradura visigótica. 

Parte dos elementos poden proceder dun templo romano ao deus Bandua, de aí o topónimo. Este deus, nas súas representacións presenta un torque coma atributo, así que a Igrexa poido deribar o nome de San Trocado ou Torcuato. 

Ao redor do templo consérvase tamén algúns elementos decorativos como a pila bautismal de época románica.

Se queres ver as fotos pincha aquí. 


Se queres ver o vídeo pincha aquí 

30/11/17

Castelo de Castro Laboreiro, Melgaço, Serra da Peneda


Castelo de Castro Laboreiro, Melgaço, Serra da Peneda.
A uns 1000 metros de altitude, e situado en pleno sistema montañoso da Peneda-Gerês, preto da fronteira entre o Alto Miño e a zona de influencia de Ourense, o Castelo de Castro Laboreiro é un dos monumentos militares, localizado nos planaltos portugueses galegos.

As súas orixes son descoñecidas, sitúano en funcións  da reconquista do territorio e relacionado coa familia de D. Hermenegildo, na primeira metade do século X . 


D. Afonso Henriques, conquistouno en 1141. Devido a que foi transformado ao longo do tempo non se coñece a súa distribución, supón se que tería un patio interior con torre de homenaxe illada, á maneira dos castelos románicos.

No reinado de D. Dinis, tivo lugar a reforma que revisou o aspecto xeral que a fortaleza aínda mantén e que, por esa altura o castelo de Castro Laboreiro xogaría un importante papel na defensa da raia seca fronte a Castela. 

A altura do século XVI, o castelo estaba illado do poboado,  situado a unha cota considerabelmente inferior. O núcleo militar contaba con cinco torres quadrangulares  e posuía dúas portas, a do Sol, que levaba ao interior do recinto maior, e outra que comunicaba os dous redutos.

Dende a súa posición estratéxica pode contemplarse unha ampla vista das serras circundantes.

Moi preto atópase unha ponte medieval de moito interese.


Se queres ver as fotos pincha aquí. 

Se queres ver o vídeo pincha aquí.

24/11/17

Calatañazor, Soria 2



Calatañazor está declarado Conxunto Histórico Artístico desde 1962. É unha pequena poboación medieval, onde se recorda a lendaria batalla de Calatañazor.
A poboación está situada sobre un outeiro é rodeada de murallas. O nome de Calatañazor vén de "calat am nasur" que significa "castelo dos voitres", o que dá idea do fortificado e difícil de asaltar.

A arquitectura é popular: o Paseo polas súas rúas trasládanos varios séculos no pasado. Destacan as formas peculiares das chemineas, que rematan en pico, o que dificulta que a neve do inverno se pouse nelas.

A igrexa da nosa Señora do Castelo é románica con modificacións posteriores. Destaca a súa portada e detalles decorativos como un conxunto de tres arcos cegos, un deles lóbulo de crara influencia Andalusí .

Un busto de Almanzor, dirixente musulmán, está situado no centro do pobo, este foi derrotado na lendaria batalla de Calatañazor.  


Tamén existe no centro da vila un "Rolo ou picota", columna de pedra onde se expoñían á vergonza os presos condenados.

Desde o castelo téñense unhas boas panorámicas das chairas que contornan Calatañazor.

Na parte sur e fóra das murallas, atópanse unhas tumbas antropomorfas medievais excavadas na rocha, que deberon pertencer a un cemiterio extramuros que se atopaba preto dunha ermida hoxe desaparecida. 


Neste lugar, de entorno medieval, Orson Welles localizou a súa película "Campanadas a medianoite". 



Se queres ver as fotos pincha aquí.

Se queres ver o vídeo pincha aquí.